View source for The Dosin ‘O the Hoggs

The back end again is wi’ us and the wund blaas cauld and chill<br>
And mighty hoar frosts whiten o’er each valley and each hill.<br>
The moorland herds are at it wi’ their usefu’ collie dogs<br>
Busy pairtin’ aa’ and sheddin’ for the dosin’ o’ the hoggs.

Auld Grumpy she’s been dieted on cows new milk and grass<br>
Her dung collected an’ aal stirred up intae a sickly mess.<br>
A glessfu’ doon each throat is teemed, then oot ontae the foggs<br>
For four and twenty hoors completes the dosin’ o’ the hoggs.

Aa spiered o’ ma freend Danny. Aa spiered o’ Jock o’ the Nick<br>
They aa’ declared for sickness ‘twas a glorious specific.<br>
But Wullie o’ the Seven Sykes said he wad bet his clogs,<br>
‘Twas just an auld wife’s fancy, was the dosin’ o’ the hoggs.

Aa says, “ Ye surely dinna think it does nee guid ava’”<br>
“Na na,” says he “Last year we dosed, Aa hed an aafu’ Fall.<br>
Next mornin’ fifteen lyin’ deed, as cauld and stiff as logs.”<br>
“Na,na,” says he “Aa’ll no believe o’ the dosin’ o’ the hoggs”

Wi opinion sae divided, whee hes yin tae believe?<br>
If ye dose them they will sicken, if ye dinna they’ll no’ leeve.<br>
This amuses mony an auld herd as through his flock he jogs.<br>
It’s a varry kittle business, is the dosin’ o’ the hoggs.
[[Category:Songs and Poems]]