The Lambin
Huw’s the lambin ganin Jack
Mine’s nowt grate see far,
Deed lambs, kebbed yowes and gay few twins
An the inbye’s a foot deep in glaur.
And that tup Aa got frae Lanark
Was just a gud lookin nowt,
His lambs gye-necked and undershot
An Aa paid enuff for him Aa thowt.
Thor’s nee decent growth on the in-bye haughs
And the Northern’s bagged feed’s ower deor,
Aa’m feared that the milk’ll gan off the yowes
We snaa forecast Aa heaor.
An the best o’ the hoggs are gay middlin te poor
Aa’ll flookeed with big pokey jaas,
Sair skittad an’all with dags right ower thor backs
An te the feel thor aall lean as craas.
An the lambin man’s dun a quick flit by the moon
Taen off wi the byre-man’s dowta,
She’s a canny lass an’all and just left the school
Wi some brains in hor heed ye’d of thowta.
Me owld collie bitch just laid doon an’ deid
So am hevin te work the young pup,
Mind Aa keep him at hand on a gay short hemp rope
Till Norman’s bus has gone up.
Nuw Av ruined the nebs on me Simonside beuts
Burying yowes in holes of hard clay,
So Aa’ll need te catch Norman’s bus the morn’s morn
And a new pair‘ll tek a month’s pay.
But Aa knaa that Am gitten ower owld te farm
And Aa need te spend mare time in the hoose,
But te leave the farm to the eldest son
Am teld is the warst kind of child abuse!
